ပြင်သစ်နိုင်ငံကိုရောက်နေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့မှာတော့ ဂုဏ်ထူးဆောင် ပဲရစ်မြို့တော်သူ ဆုကို လက်ခံရယူပါတယ်။ အစောပိုင်းက အဝေးရောက် မြန်မာနိုင်ငံသား မိသားစုတွေနဲ့ ပဲရစ်မြို့တော်မှာ တွေ့ဆုံရာမှာတော့ မြန်မာ့အရေး ညီညီညွတ်ညွတ် ၀ိုင်းဝန်းဆောင်ရွက်ကြဖို့ တိုက်တွန်းသွားခဲ့တာပါ။ ဥရောပခရီးစဉ်မှာ နောက်ဆုံးအဖြစ် ပြင်သစ်နိုင်ငံ ရောက်ရှိခိုက် အစိုးရ တာဝန်ရှိသူတွေနဲ့ရော မြန်မာအသိုင်းအ၀ိုင်းနဲ့ပါ တွေ့ဆုံနေတဲ့ ဒေါ်အောင်ဆန်းစုကြည်ရဲ့ခရီးစဉ် နောက်ဆုံး အခြေအနေကိုတော့ ကိုအောင်လွင်ဦးက တင်ပြပေးထားပါတယ်။
ဥရောပ ၅ နိုင်ငံခရီး နောက်ဆုံး အစီအစဉ်အဖြစ် ပြင်သစ်နိုင်ငံမှာ ရောက်နေတဲ့ ဒေါ်အောင်ဆန်းစုကြည်ဟာ မြို့တော်ဝန် အပ်နှင်းတဲ့ ပဲရစ်မြို့ရဲ့ဂုဏ်ထူးဆောင် မြို့တော်သူဆုကို လက်ခံရယူပါတယ်။ လွတ်လပ်ရေး ကြိုးပမ်းမှုတွေအတွက် ထင်ရှားတဲ့ ပြင်သစ်နိုင်ငံအနေနဲ့ အခုလိုဂုဏ်ပြုတဲ့အပေါ် ၀မ်းမြောက်ဝမ်းသာ ဖြစ်ရတဲ့ အကြောင်းကိုလည်း ဒေါ်အောင်ဆန်းစုကြည်က ဆုလက်ခံယူချိန်မှာ ပြောသွားခဲ့တာပါ။
လွတ်မြောက်ရေး၊ ညီမျှမှုနဲ့ စုစည်းညီညွတ်မှုတွေရဲ့အရသာကို အချိန်အတော်ကြာကတည်းက ခံစားနေကြရ သူတွေ အဖြစ်နဲ့ မြန်မာ နိုင်ငံသားတွေ ဒီမိုကရေစီ လိုလားနေကြတဲ့ ဆန္ဒတွေကိုလည်း နားလည်စေလိုတဲ့ အကြောင်း ပြင်သစ်ဘာသာနဲ့ ပြောတဲ့မိန့်ခွန်းမှာ ဒေါ်အောင်ဆန်းစုကြည် ပြောဆိုသွားခဲ့တာပါ။ မြန်မာနိုင်ငံသားတွေ ကိုယ်တိုင်ကြိုးပမ်းမှုတွေနဲ့အတူ ပြင်သစ်နိုင်ငံလို မိတ်ဆွေတွေနဲ့ ရည်မှန်းချက်တွေ အကောင်အထည်ဖော်နိုင် လိမ့်မယ်လို့ ယုံကြည်ကြောင်းနဲ့ သူအပါအ၀င် မြန်မာနိုင်ငံလူထု စောင့်စားနေတဲ့ ဒီမိုကရေစီ ခရီးလမ်းမှာ လည်း ပြင်သစ်လူထုက နီးနီးကပ်ကပ် ရပ်တည်သွားလိမ့်မယ်လို့ မျှော်လင့်တဲ့